**ارتاح لك**

دوم اسئل نفسي ليش ارتاح لك

وليش عالصح والغلط ماجاملك

مدري كلك عايش ابروحي ضمير

لوضميري ايعيش كله ابداخلك

اذن حاول تكطع الشك باليقين

ولا تخلي الذكريات اتغازلك

لاترجعنه الزمن كنا وكان

مااريد اسمع الكتله اوكالك

انته حاججني اذا عندك دليل

حته لاتجا دلني اولا جاد لك

اتصورتني اتناسه لوفعلن نسيت

لوحسبت احساب صرت اجاهلك

اوحيا تك والذي عرفني بيك

وداعت اعيوني البيهن شايلك

اشكثر ليليه كدامي اشتهيك

وبين لحضه ولحضه احن وشتاكلك

صح عفتني الوحدي وبقسه الضروف

وجان عذرك ضرف طارئ شاغلك

وياما غضيت النضر عني ومشيت

وتدري بيه اشكد جنت محتاجلك

ردتك اتصحيني من جرحك هذاك

كبل لاتحزر ابكلبي اشضاملك

لاكن الله اعلم بما تخفي الصدور

ويعلم بحجي الوصلني اواصلك

انه اوماحب فلا اعتب عليك

وجا كلتلك من زمان امزاعلك